شارك برأيك خلينا نعرفك اكتر

سؤال للبنات // ايه اكتر حاجه تحبي انها تكون من حبيبك او التصرف اللي يفرحك منه وايه الهديه اللى تكونى مبسوطه اوى لو حبيبك اهدهالك
سؤالي للشباب // ايه اغلى حاجه الولد بينتظرها من البنت فى فترة الخطوبة او الارتباط وايه الحاجه اللي ممكن البنت تعملها وتبسط الولد جدا وتقربهم اكتر وكله طبعا فى حدود وليه الشباب محيرين كده فى ارتباطاتهم يعني على عكس البنت بسهوله اوى بكلمة حلوة او رساله مجنونة او تصرف غير تقليدي بيبسطها ويفرحها على عكس الشباب
والدليل على ده اننا بنسمع كل يوم الشاب ده ساب البنت الفلانيه واللى تسمعه يقول كان حوار وانتهى وكلام وعبارات غريبه
انما البنت تلاقيها بتقول الحب الاول والاخير لا انا لازم متخلاش عنه واكون معاه والكلام ده كله
وعلى فكرة كلامي مش عام عن كل الشباب او كل البنات انما انا بتكلم عن الفئه الغالبه
يلااا عاوزة اسمع واعرف افكاركم فى الموضوع ده بجد محتاجين نتعرف على دماغ بعض اكتر من كده

_________________
سرحت فيك ونسيت حبيبي وانا ادام عنيك قرب كمان وانا من زمان مستني تلمسني بايديك

الاخت العزيزة

انت قولتي ان كلامك على الاغلبية وانا بصراحة مش معاكى فى الكلام ده لان الموضوع ده بالذات نسبة وتناسب الموضوع مينفعشى يبقي ولد وبنت الموضع شخص وشخص يعنى فى الكلام ده البنت زى الولد اى كان واى كانت لان هنا الفرق بتنتجه المشاعر والسلوك لاى منهم يعنى ممكن تلاقى ولد اوفى بميت مره من اى بنت واى حاجه من حبيبته او خطيبته بترضيه حتى لو ابتسامة وطبعا العكس ممكن وممكن تلاقي بنت متفرقش عندها خالص هو معاها ولا رحل عنها والعكس جائز

يعنى بلاش فى الموضوع ده نتكلم فى قصة ولد وبنت احنا ممكن نقول الفرق ما بين الاشخاص سواء ولد أو بنت

على فكرة ده رأى الشخصى فى الموضوع ككل اما عن السؤال الخاص بالشباب فالبنسبة لى انا كانت اى حاجة منها بتبسيطنى وتخلينا فى اسعد ايامى حتى لو كانت ابتسامة رضا منها عن اى حاجة انا بعملها

ومشكوووووووووووووووووورة على الموضع اللذيذ ده