قصه حقيقيه جدااااا
القصه بتبتدي بأن واحده ملهاش في النت ولا في الاصحاب ولا اي حاجه
ابتدت لما اختهابقت بتحب ولد
وشافت انها هي كمان لازم تحب لانها كانت الاصغر من اختهاه
المهم
بدأت تدخل على ايميلها وتكلم ولاد وتصاحب
لحد ما وثقت علاقتها مع ولد كانت بتحب تتكلم معاه كان بيضحكهاوبتسمعه وهي بترتحله وبتكلمه في اي حاجه
بعد حوالي سنه بدأت تحبه وهوه بيحبها
مع انهم كانو متفقين على انهم صحاب وبس
بس
الحب لما بيدق باب قلب حد محدش يقدر يمنعه من انه يدخل
بعد حوالي 5 شهوور
بدأت تحكي لصحبتها عليه وازاي هما الاتنين بيحبو بعض بالرغم من انهما عمرهم ما اتكلمو وجها ولجهه
دا حتى هي ماتعرفش ازا كان هوه ولد ولا بنت وبتلعب عليها
المهم
صحباتها كلهم نصحوها
انها تسيبه وانه مستحيل في يوم يجيلها
وبعد كده قالت لاختها واختها برده قالتها مستحيل حد يجي يتقدملك وانتو بينكم مسافات
بس هي كان قلبها بيقولها انه بيحبها
وحتى لو كان مش هيجي يتقدملها في يوم
بس كان فيه حاجه بتقولها انها كفايا حست معنى الحب
ان يكون حد بس بيخاف ليها
مكنش عندها مانع انها تكون طرف تاني في الموضوع وانه مجرد شاب عنده اكيد حبيبه تانيه
بس بيحب يتكلم مع واحده عارف انه بيحبها
تقولو ايه الحب اعمى
بس بعد كده بعد مالامور اتطورت وبقى فيه موبايلات
وصور
بقت عايزه تشوفه بس هوه كان دايما بيتحجج انه مش فاضي
او ان عنده شغل
او ان صاحبه اللي كان مربطت معاه خلع
او اي حاجه من دي
لحد ما فقدت الامل وبقى الحب اللي بنهم يقل وبقى هوه بيبعد عنها اكتر واكتر
بس كل ما تكلمه كانت بتحس انها روحها معاه وهوه قلبه معاها
كانت حاسه انه هوه مستقبلها
لحد ما مكتلمتهوش لمده شهر وابتدت تكلم غيره بس برده ما كنش بينفع وكانت ترجع تكلمه تاني
وفي الاخر
قالت انه الوقت علشان تنساه
ولما كانت خارجه هي وصحبتها قابلت الشخص اللي اي بنت تحلم تخرج معاه
هوه كان شاب مؤدب محترم وداخل من الباب من اول ما شفها
كان فيه كل الصفات اللي هي كانت بتحلم بيها في يوم في فارس احلامها
كان فعلا يتحب
دا غير انه عنده رصيد في البنك وداخل كليه خاصه وهوه مؤلف وكمان بيضرب جيتار
اللي كانت بتتمناه بالظبط
انسان حساس جدا لدرجه انهياره لما تسيبه يومين من غير ما تكلمه
بس برده هي
لسه
متحيره
مين اللي تسيبه
ومين اللي تحبه
مين اللي هيكمل معاها
مين اللي هتحلم بيه
مين اللي هيوحشها
واخيرا مين اللي هتختاره
مع العلم انه لسه لحد دلوقتي هي ما صرحتش الاتنين بأي كلمه
وان ما حدش منهم يعرف التاني
ايه رأيكم ؟؟؟ّّّ!!!
الحلم ولا الحقيقه؟؟؟؟؟؟!!!!!!!!!!!!!
على فكره القصه دي من تأليفي انا شخصيا بس هي ممكن تكون واقع في حياه تانيه
فا ايه رأيكم تاني مره ينفع اكون كاتبه
دا اكيد لو فكرت شويتين وبدأت اكتب عربي فصيح بس
اديني في اول الطريق
ها قولولي رأيكم الاول في القصه والتاني فيا
مستنيا ردكم في اسرع وقت ممكن