(الحب علمنا أيه)
حاجات كتير بنتعلمها من الدنيا,,بمعنى
المدارس بنروحها عشان نتعلم ونعرف يعني ايه دنيا ويعني ايه علم وثقافة ورقي بالنفس
الصداقة بتفيدنا في حياتنا والصديق بيكمل حاجات كتير جوانا وبيحتجلنا وبنحتجله
وبنتعلم من بعض حاجات كتير
المجتمع لو كان سيء او جميل برضه هنتعلم منه حاجات ممكن وحشه وومكن لابالعانا قليل الأدبتفيدنا
ممكن لسه مقدرتش اوصل للموضوع...بااختصار شديد
الحب...علمك ايه ..استفدت منه بأيه سواء فقدته او باقي لسه..
ناس علمهم الحب الصبر بكل ماتحمل الكلمة من معنى..عالدنيا عالنفس عالغضب عالايام والسنين
ناس علمهم الحب التواضع للحبيب..علمهم معنى تضحية قد يكونو مايعرفوش يعني ايه اساسا تضحية
تلاقيهم ممكن يضحو بااغلى شيء عشان اللي بيحبوهم..
ناس علمهم الحب..معنى الكرامة...قبل مالانسان ده يعرف الحب طريق قلبة تلاقيه كرامتي اتجرحت
وكرامتي اتقطعت واتلزقت ومش عارف ايه...
بعد ماعرف الحب تلاقيه ممكن يتهان بمعنى يتهاااان حتى اللي حواليه بيحسو انها اهانة
لكن زي العسل على قلبه!!!
وتلاقيه يقول الحب مافيهوش كرامة..(وده كان فنظري حقيقي)
ناس علمهم الحب العطاء بكل ماتحمله الكلمة من معنى في الوقت والروح والقلق
والسهر والتفكير والفرح والحزن وكل كل حاجة فحياته
ناس تانيه علمهم التسامح اللي عمرهم مافهمو يعني ايه تسامح وغفران
بقى الانسان ده بيسامح الحبيب على اي حاجة ممكن تتخيلها
وساعات كتير يبقى اساسا ماغلطش لكن يعمل ايه ...بيحبه
جماعة تانين علمهم الصدق في الكلام وكمان الفعل يعني زمان كان الانسان ده مابيصدقش بسهوله اللي بيتقال
الا بميت يمين وكمان ممكن يتعلم الكدب الابيض(مع ان الكدب مالوش الوان) بعد اما بقى فحياته حب
وقلب بيحبه بقى يصدق اي كلمة حتى لو طايرة في الهوا وكل شي بيعمله بيقوله
لابيفبرك الكلام ولاكدب ملون مستقيم قوي فكل شيء..
نوع من الناس علمهم..ازاي يتجرحو مايتكلموش..ازاي ينزفو مايتألموش..ازاي تتقفل في وشهم ابواب
ومايعترضوش..اتعلمو يداوو جروحهم باايديهم اتعلم ازاي يقولو آه بصمت اتعلمو يشتكو عالورق عشان خايفين لايتجرح الحبيب
اتعلمو يقولو الحمدلله فوسط دموع الحزن والالم والخذلان ..
اتعلمو يشوفو ويسمعو ويغمضو عنيهم ويقفلو ودانهم..
اتعلمو يدورو الرضا اياً كان التمن..سواء جرح ولا عمر ولاسهر ولاتفكير ولا كرامه مابقاش يهمهم
المهم عندهم القلب وبس مايزعلوش الحبيب اللي جوه قلبهم...
وهما قبل الكلمة دي(الحب) ماكانوش يعرفو كل ده!!!
كلامي كتير انا عارفه بس بقالي زمان عن كده وتوبيكات رغي...سوري
انتي او انته الحب علمك أيــــــــه!!
وانا بصراحه الحبعلمني كل ده انتي او انته الحب علمك أيــــــــه!!
الإثنين 23 يونيو 2008 - 3:59
