المنتخب يفوز على جيبوتى 4 / صفر

فاز المنتخب المصرى لكرة القدم على منتخب جيبوتى 4 / صفر فى الجولة الثانية لمباريات المجموعة الـ 12 لتصفيات كأس العالم 2010 .. سجل أهداف المنتخب عمرو زكى فى الشوط الأول من المباراة . ويسجل حسنى عبد ربه الهدف الثانى من ضربة جزاء .. ويواصل المنتخب المصرى سيطرته وفى الدقيقة الثامنة يسجل أحمد حسن الهدف الثالث للمنتخب المصرى .. وتستمر المباراة على وتيرة واحدة استحواذ مصرى واستسلام من منتخب جيبوتى .. وفى الدقيقة 22 يسجل أحمد عيد عبد الملك الهدف الرابع للمنتخب المصرى .. ويخرج عمرو زكى ويلعب حسن مصطفى .. وتستمر المباراة وسط أداء باهت حتى يطلق الحكم صافرة نهاية المباراة .

بهذا الفوز يرفع المنتخب المصرى رصيده إلى 6 نقاط من الفوز على الكونغو وجيبوتى .

بصراحة المنتخب ما يستهلش انه يكتب عنه اكتر من كده

طيب ينفع نقول مبروك ولا بردو مش يستاهل

لا ينفع بس انا بس حابب الفت النتباه ان جيبوتى دى اذا راح يلعبها مركز شباب من عندنا هيكسب 5 أو 6

يعنى مش عايزين الفوز على فريق ضعيف يوهمنا والمهم بقه ماتش ملاوى اللى جاى هو اللى نقدر بعده بجد نفرح اذا ربنا كرمنا فيه

هو بيني وبينكم المنتخب الله يعينهم بعد الفرحة بتاع كأس الأمم والإحتفال الزيادة عن اللزوم ليهم ده خلى لعيبة كتير تتغر زيادة عن اللزوم ده مش عويصة المشكلة الأكبر في غرور الراس الكبيرة اللي هو المدرب ده بأة خلاه لخبط قوي في إختيار كتير من اللعيبة معاه المرة ده وبدأت تدخل في حسابات تانية ماخدشي الاعب الفلاني عشان وقع للأهلى وموقعشي للزمالك وماخدشي الاعب التاني عشان حسابات شخصية وبدأ يلخبط حتى مساعدينه بدأ كلامهم بنغمة تانية خالص مثلا بعد ماتش الكونغو مساعد منهم قال الجمهور لايجي بأدبه لامايجيش خالص مش محتاجين ... عشان كدة ربنا يستر ع المنتخب في التصفيات ده والقاعدة في مصر بالذات بتقول ان مانفرحشي علطووول يعني كفاية كأس الأمم عليكم ماينفعشي فرحة بعدها علطول لازم حرقة دم

والله انت عندك حق بس فى حجات الواحد بيعزر فيها زى الاصبات واللى بقت كتير اوى انا معاك ان سى ابوعلى اتغر بس ممكن نعذر اللعيبة شوية وبعدين يا عم الراجل ناقص من عنده 3 كل واحد بفرقه لوحده طبعا هما معروفين للكل ده غير الناس الفرداني

وعموما ربنا يستر